darpesh ajal hai ganj-e-shahidan KHaridiye

darpesh ajal hai ganj-e-shahīdāñ ḳharīdiye

turbat ke vāste chamanistāñ ḳharīdiye

saudā pukārtā hai ye fasl-e-bahār meñ

gulshan na mol lījiye zindāñ ḳharīdiye

bāzār meñ ye kartī haiñ ġhul merī beḌiyāñ

sohan hamāre kāTne ko yaañ ḳharīdiye

raft-o-guzasht bhī huā vahshat kā valvala

sozan barā.e-chāk-e-garebāñ ḳharīdiye

le lījiye mirā dil-e-sad-chāk muft hai

shāna barā.e-zulf-e-pareshāñ ḳharīdiye

bāzār-e-mustafā hai ḳharīdār hai ḳhudā

ḳhud bikye yaañ na kuchh kisī unvāñ ḳharīdiye

jis vaqt jā nikalte haiñ bāzār-e-husn meñ

himmat ye kahtī hai ki paristāñ ḳharīdiye

hulla koī mañgā.iye jaañ dī hai aap par

ḳhil.at hamāre vāste ai jaañ ḳharīdiye

turbat pe merī hogī takalluf kī raushnī

kāfūr bahr-e-sham-e-shabistāñ ḳharīdiye

karte haiñ shor ganj-e-shahīdāñ meñ gul-farosh

chādar barā.e-gor-e-ġharībāñ ḳharīdiye

vahshat meñ mushk kī na rasad muft lījiye

saudā hai bū-e-kākul-e-pechāñ ḳharīdiye

hotā hai shauq-e-ishq meñ rah rah ke valvala

majnūñ se dāġh-e-dil sar-e-maidāñ ḳharīdiye

har-sū amal junūñ ke qalam-rau meñ chāhiye

DhuñDvā ke ek ek bayābāñ ḳharīdiye

hote haiñ jazb-e-ishq se pariyoñ ke jamghaTe

ik mulk misl-e-mulk-e-sulaimāñ ḳharīdiye

chaurañg khelne meñ harīfoñ ke ai 'sharaf'

bachiye to teġh-e-rustam-e-dastāñ ḳharīdiye

darpesh ajal hai ganj-e-shahidan KHaridiye

turbat ke waste chamanistan KHaridiye

sauda pukarta hai ye fasl-e-bahaar mein

gulshan na mol lijiye zindan KHaridiye

bazar mein ye karti hain ghul meri beDiyan

sohan hamare kaTne ko yan KHaridiye

raft-o-guzasht bhi hua wahshat ka walwala

sozan barae-chaak-e-gareban KHaridiye

le lijiye mera dil-e-sad-chaak muft hai

shana barae-zulf-e-pareshan KHaridiye

bazar-e-mustafa hai KHaridar hai KHuda

KHud bikye yan na kuchh kisi unwan KHaridiye

jis waqt ja nikalte hain bazar-e-husn mein

himmat ye kahti hai ki paristan KHaridiye

hulla koi mangaiye jaan di hai aap par

KHilat hamare waste ai jaan KHaridiye

turbat pe meri hogi takalluf ki raushni

kafur bahr-e-sham-e-shabistan KHaridiye

karte hain shor ganj-e-shahidan mein gul-farosh

chadar barae-gor-e-ghariban KHaridiye

wahshat mein mushk ki na rasad muft lijiye

sauda hai bu-e-kakul-e-pechan KHaridiye

hota hai shauq-e-ishq mein rah rah ke walwala

majnun se dagh-e-dil sar-e-maidan KHaridiye

har-su amal junun ke qalam-rau mein chahiye

DhunDwa ke ek ek bayaban KHaridiye

hote hain jazb-e-ishq se pariyon ke jamghaTe

ek mulk misl-e-mulk-e-sulaiman KHaridiye

chaurang khelne mein harifon ke ai 'sharaf'

bachiye to tegh-e-rustam-e-dastan KHaridiye