darun-e-dil jo charagh jalte rahe musalsal

darūn-e-dil jo charāġh jalte rahe musalsal

haiñ un se āñkhoñ meñ nuur ke silsile musalsal

kahīñ pe marte haiñ bhuuk se kuchh yatīm bachche

kahīñ pe kaase haiñ sā.iloñ ke bhare musalsal

mirī udāsī pe is tarah tū udaas mat ho

ki zaḳhm rahte nahīñ haiñ aksar hare musalsal

vo ḳhvāb āñkhoñ meñ bhar sake yā unheñ gañvā de

vo apne Dar pe to baat khul kar kare musalsal

kabhī ḳhushī meñ bhī ashk āñkhoñ meñ aa ga.e aur

kahīñ udāsī meñ muskurānā paḌe musalsal

ye us kī zid meñ 'an.amatā' nīñdoñ se laḌ paḌī thiiñ

ham apnī āñkhoñ se der tak shab laḌe musalsal

darun-e-dil jo charagh jalte rahe musalsal

hain un se aankhon mein nur ke silsile musalsal

kahin pe marte hain bhuk se kuchh yatim bachche

kahin pe kase hain sailon ke bhare musalsal

meri udasi pe is tarah tu udas mat ho

ki zaKHm rahte nahin hain aksar hare musalsal

wo KHwab aankhon mein bhar sake ya unhen ganwa de

wo apne Dar pe to baat khul kar kare musalsal

kabhi KHushi mein bhi ashk aankhon mein aa gae aur

kahin udasi mein muskurana paDe musalsal

ye us ki zid mein 'anamata' nindon se laD paDi thin

hum apni aankhon se der tak shab laDe musalsal