darun-e-halqa-e-zanjir hun main

darūn-e-halqa-e-zanjīr huuñ maiñ

shikasta ḳhvāb kī ta.abīr huuñ maiñ

mujhe hairat se yuuñ vo tak rahā hai

ki jaise maiñ nahīñ tasvīr huuñ maiñ

mirī bāteñ to zahrīlī bahut haiñ

magar tiryāk kī tāsīr huuñ maiñ

maiñ zinda huuñ hisār-e-behisī meñ

mohabbat kī na.ī tafsīr huuñ maiñ

ik aa.ina bhī huuñ aur aks bhī huuñ

ki shahr-e-sañg kā rah-gīr huuñ maiñ

namāz-e-shab kā sajda huuñ 'tasavvur'

azān-e-sub.h kī takbīr huuñ maiñ

darun-e-halqa-e-zanjir hun main

shikasta KHwab ki tabir hun main

mujhe hairat se yun wo tak raha hai

ki jaise main nahin taswir hun main

meri baaten to zahrili bahut hain

magar tiryak ki tasir hun main

main zinda hun hisar-e-behisi mein

mohabbat ki nai tafsir hun main

ek aaina bhi hun aur aks bhi hun

ki shahr-e-sang ka rah-gir hun main

namaz-e-shab ka sajda hun 'tasawwur'

azan-e-subh ki takbir hun main