darun-e-wadi-e-shab aks-e-aftab to ho

darūn-e-vādī-e-shab 'aks-e-āftāb to ho

ki injimād meñ tahrīk-e-inqalāb to ho

hayāt kī koī taujīh tab hī Thiik lage

har ik javāz ke pīchhe koī kitāb to ho

tire junūñ ko koī jiht bhī milegī zarūr

jo tere azm kī muTThī meñ koī ḳhvāb to ho

'ajab mizāj hai radd-o-qubūl kā apnā

koī nazar koī me’yār-e-intiḳhāb to ho

sab apnī zaat ke mahbas meñ band rahte haiñ

koī darīcha koī raah koī baab to ho

samundaroñ se bhī tishna-labī ubhartī hai

koī to vaj.h-e-tasallī sahī sarāb to ho

samā'atoñ ne bahut shor sun liyā 'sarshār'

koī latīf sā naġhma koī rabāb to ho

darun-e-wadi-e-shab 'aks-e-aftab to ho

ki injimad mein tahrik-e-inqalab to ho

hayat ki koi taujih tab hi Thik lage

har ek jawaz ke pichhe koi kitab to ho

tere junun ko koi jiht bhi milegi zarur

jo tere azm ki muTThi mein koi KHwab to ho

'ajab mizaj hai radd-o-qubul ka apna

koi nazar koi me’yar-e-intiKHab to ho

sab apni zat ke mahbas mein band rahte hain

koi daricha koi rah koi bab to ho

samundaron se bhi tishna-labi ubharti hai

koi to wajh-e-tasalli sahi sarab to ho

sama'aton ne bahut shor sun liya 'sarshaar'

koi latif sa naghma koi rabab to ho