darun-e-zat ka izhaar karne wale hain

darūn-e-zāt kā iz.hār karne vaale haiñ

ajiib log haiñ had paar karne vaale haiñ

amīr-e-shahr kī saffākiyoñ ko kyā ma.alūm

phir is ke baad jo nādār karne vaale haiñ

sab aa.e haiñ mirī tīmār-dāriyoñ ke liye

magar ye log to bīmār karne vaale haiñ

phir in ko masjid-o-mandir kī fikr kyā hogī

jo har makān ko mismār karne vaale haiñ

shikam ke bojh se fāqa-zada likhārī bhī

qalam kī nok ko auzār karne vaale haiñ

kisī faqīr kī mahrūmiyoñ se nā-vāqif

faroġh-e-gumbad-o-mīnār karne vaale haiñ

hameñ salīqa-e-iz.hār kī hai fikr bahut

ham apne lafz ko me.aar karne vaale haiñ

haqīqatoñ ke talabgār hī zamāne meñ

ḳhudā kī zaat kā inkār karne vaale haiñ

darun-e-zat ka izhaar karne wale hain

ajib log hain had par karne wale hain

amir-e-shahr ki saffakiyon ko kya malum

phir is ke baad jo nadar karne wale hain

sab aae hain meri timar-dariyon ke liye

magar ye log to bimar karne wale hain

phir in ko masjid-o-mandir ki fikr kya hogi

jo har makan ko mismar karne wale hain

shikam ke bojh se faqa-zada likhaari bhi

qalam ki nok ko auzar karne wale hain

kisi faqir ki mahrumiyon se na-waqif

farogh-e-gumbad-o-minar karne wale hain

hamein saliqa-e-izhaar ki hai fikr bahut

hum apne lafz ko mear karne wale hain

haqiqaton ke talabgar hi zamane mein

KHuda ki zat ka inkar karne wale hain