darwaza-e-hasti se na imlak se nikla

darvāza-e-hastī se na imlāk se niklā

paiġhām-e-vafā ḳhushbū-e-idrāk se niklā

phir aaj kuredī ga.ī vo ḳhāk-e-nasheman

phir gauhar-e-maqsūd usī ḳhaak se niklā

har baar mujhe mere muqaddar ne sadā dī

jab bhī koī taara dar-e-aflāk se niklā

is baar to majnūñ kā bharam bhī nahīñ rakkhā

yuuñ merā junūñ pairhan-e-chāk se niklā

duniyā kī zabānoñ pe rahe ḳhauf ke taale

bas haq to mire lahja-e-be-bāk se niklā

mahsūs huā aur bhī hisse haiñ usī meñ

ik purza-e-dil jab ḳhas-o-ḳhāshāk se niklā

darwaza-e-hasti se na imlak se nikla

paigham-e-wafa KHushbu-e-idrak se nikla

phir aaj kuredi gai wo KHak-e-nasheman

phir gauhar-e-maqsud usi KHak se nikla

har bar mujhe mere muqaddar ne sada di

jab bhi koi tara dar-e-aflak se nikla

is bar to majnun ka bharam bhi nahin rakkha

yun mera junun pairhan-e-chaak se nikla

duniya ki zabanon pe rahe KHauf ke tale

bas haq to mere lahja-e-be-bak se nikla

mahsus hua aur bhi hisse hain usi mein

ek purza-e-dil jab KHas-o-KHashak se nikla