darwaza koi ghar se nikalne ke liye de
darvāza koī ghar se nikalne ke liye de
be-ḳhauf koī rāsta chalne ke liye de
āñkhoñ ko atā ḳhvāb kiye shukriya lekin
paikar bhī koī ḳhvāboñ meñ Dhalne ke liye de
paanī kā hī paikar kisī parbat ko atā kar
ik buuñd hī naddī ko uchhalne ke liye de
sahmī huī shāḳhoñ ko zarā sī koī mohlat
sūraj kī savārī ko nigalne ke liye de
sab vaqt kī dīvār se sar phoḌ rahe haiñ
rauzan hī koī bhaag nikalne ke liye de
sailāb meñ saa.at ke mujhe pheñkne vaale
TuuTā huā ik pul hī sambhalne ke liye de
mahfūz jo tartīb-e-anāsir se haiñ asrār
to ḳhol ko ik aañch pighalne ke liye de
taḳh.īl ko taḳhlīq kī taufīq atā kar
phir pahlū se ik chiiz nikalne ke liye de
darwaza koi ghar se nikalne ke liye de
be-KHauf koi rasta chalne ke liye de
aankhon ko ata KHwab kiye shukriya lekin
paikar bhi koi KHwabon mein Dhalne ke liye de
pani ka hi paikar kisi parbat ko ata kar
ek bund hi naddi ko uchhalne ke liye de
sahmi hui shaKHon ko zara si koi mohlat
suraj ki sawari ko nigalne ke liye de
sab waqt ki diwar se sar phoD rahe hain
rauzan hi koi bhag nikalne ke liye de
sailab mein saat ke mujhe phenkne wale
TuTa hua ek pul hi sambhalne ke liye de
mahfuz jo tartib-e-anasir se hain asrar
to KHol ko ek aanch pighalne ke liye de
taKHil ko taKHliq ki taufiq ata kar
phir pahlu se ek chiz nikalne ke liye de
- Book : Rasta Ye Kahin Nahin Jata (Pg. 11)
- Author : Sheen Kaaf Nizam
- Publication : Vagdevi Publication (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
