darwesh hun jo ganj mayassar nahin to kya

darvesh huuñ jo ganj mayassar nahīñ to kyā

dil se ġhanī huuñ paas mire zar nahīñ to kyā

lākhoñ sadā-e-sūr haiñ pāzeb-e-yār meñ

chham-chham kā shor fitna-e-mahshar nahīñ to kyā

sailāb-e-ashk mauja-e-tūfān-e-nūh hai

āñkhoñ meñ band saat samundar nahīñ to kyā

rang-e-hinā se haath butoñ ke haiñ laal laal

phir ye hamāre ḳhuun kā mahzar nahīñ to kyā

lākhoñ haiñ mo.ajize lab-e-jāñ-baḳhsh-e-yār meñ

rashk-e-masīh haiñ vo payambar nahīñ to kyā

sar-ḳhush haiñ ham ḳhayāl meñ ik chashm-e-mast ke

saaqī hamāre daur meñ sāġhar nahīñ to kyā

mauzūñ-kalām pāk-bayān ḳhush-ḳhayāl hai

'kaifī' suḳhan-shanās suḳhanvar nahīñ to kyā

darwesh hun jo ganj mayassar nahin to kya

dil se ghani hun pas mere zar nahin to kya

lakhon sada-e-sur hain pazeb-e-yar mein

chham-chham ka shor fitna-e-mahshar nahin to kya

sailab-e-ashk mauja-e-tufan-e-nuh hai

aankhon mein band sat samundar nahin to kya

rang-e-hina se hath buton ke hain lal lal

phir ye hamare KHun ka mahzar nahin to kya

lakhon hain moajize lab-e-jaan-baKHsh-e-yar mein

rashk-e-masih hain wo payambar nahin to kya

sar-KHush hain hum KHayal mein ek chashm-e-mast ke

saqi hamare daur mein saghar nahin to kya

mauzun-kalam pak-bayan KHush-KHayal hai

'kaifi' suKHan-shanas suKHanwar nahin to kya