dasht-e-suKHan mein aae hain ye bhi kamal hai

dasht-e-suḳhan meñ aa.e haiñ ye bhī kamāl hai

sab chhoḌiye sunā.iye kyā hāl-chāl hai

kuchh is tarah se pesh kareñge ham aap ko

jaise ki ik ḳhayāl kā pahlū ḳhayāl hai

zehnoñ pe gard chhā.ī hai aatā nahīñ sukūñ

ham aise jī raheñ haiñ ki jiinā muhāl hai

jis hausla-o-jazbe se kal shab laḌā charāġh

ḳhud tīrgī ne kah diyā laḌnā kamāl hai

ulfat keī rahguzar meñ ka.ī moḌ haiñ ajiib

tū saath chal paḌā hai magar be-ḳhayāl hai

maiñ jañg laḌ rahā huuñ kisī aur keī jagah

maiñ jiit bhī rahā huuñ to phir kyā kamāl hai

dasht-e-suKHan mein aae hain ye bhi kamal hai

sab chhoDiye sunaiye kya haal-chaal hai

kuchh is tarah se pesh karenge hum aap ko

jaise ki ek KHayal ka pahlu KHayal hai

zehnon pe gard chhai hai aata nahin sukun

hum aise ji rahen hain ki jina muhaal hai

jis hausla-o-jazbe se kal shab laDa charagh

KHud tirgi ne kah diya laDna kamal hai

ulfat kei rahguzar mein kai moD hain ajib

tu sath chal paDa hai magar be-KHayal hai

main jang laD raha hun kisi aur kei jagah

main jit bhi raha hun to phir kya kamal hai