dasht-e-wahshat ko faqat qais hi bhaya hua hai

dasht-e-vahshat ko faqat qais hī bhāyā huā hai

ham ne bhī ishq kā āzār uThāyā huā hai

sar-kashī mauj-e-havā kii, ye kahāñ samjhegī

kis mashaqqat se diyā ham ne jalāyā huā hai

kaise gulfām kahūñ, kaise sitāra samjhūñ

vo badan aur hī miTTī kā banāyā huā hai

mauj-e-ḳhushbū kī tarah haath na aane vaale

ham ne ik saath bahut vaqt bitāyā huā hai

aap ise kāsa-e-tash.hīr samajh baiThe haiñ

ham ne ik umr se ye zaḳhm chhupāyā huā hai

kaash vo chashm-e-gurezāñ bhī kabhī jaan sake

ham ko kis ḳhvāb kī vahshat ne jagāyā huā hai

dasht-e-wahshat ko faqat qais hi bhaya hua hai

hum ne bhi ishq ka aazar uThaya hua hai

sar-kashi mauj-e-hawa ki, ye kahan samjhegi

kis mashaqqat se diya hum ne jalaya hua hai

kaise gulfam kahun, kaise sitara samjhun

wo badan aur hi miTTi ka banaya hua hai

mauj-e-KHushbu ki tarah hath na aane wale

hum ne ek sath bahut waqt bitaya hua hai

aap ise kasa-e-tashhir samajh baiThe hain

hum ne ek umr se ye zaKHm chhupaya hua hai

kash wo chashm-e-gurezan bhi kabhi jaan sake

hum ko kis KHwab ki wahshat ne jagaya hua hai