دشت ہے کون و مکاں اور لا مکاں

دشت ہے کون و مکاں اور لا مکاں

دور تک وہم و گماں اور لا مکاں

ابتدا نہ انتہا نہ راستہ

میں ابد کے درمیاں اور لامکاں

ایک دھڑکا خاک میں ڈالا ہوا

ایک سعیٔ رائیگاں اور لا مکاں

جل بجھا ہے آگ میں میرا پڑاؤ

چار سو میرا دھواں اور لا مکاں

اک زمین بے یقینی میرے ساتھ

اک گمان لا گماں اور لا مکاں

ایک صحرا ذات سے آگے کہیں

ایک ہجرت درمیاں اور لا مکاں

بادلوں میں گم ہوئے جاتے ہیں سب

کارواں در کارواں اور لا مکاں

ایک سیارہ مرے رستے میں ہے

ورنہ میں تھا آسماں اور لا مکاں