dasht jo aaj hai kal qariya-e-jaan bhi hoga

dasht jo aaj hai kal qariya-e-jāñ bhī hogā

dil meñ jab ḳhuuñ hai to āñkhoñ se ravāñ bhī hogā

ho ga.e ġhair bhī kyā kiije usī ke āḳhir

dil kabhī de ke na sochā thā ziyāñ bhī hogā

ḳhūñ-bahā dekhiye ab jaa.e ye kis ke sar par

baat niklegī to kuchh zikr patā bhī hogā

bazm hai raqs meñ jugnū bhī chamakte sar par

sham.a gul hotī to har samt dhuāñ bhī hogā

kah ga.e hazrat-e-vā.iz bhī pate kī bāteñ

chhoḌ duuñ gar tumheñ jannat meñ makāñ bhī hogā

kab talak koī fazāoñ meñ uḌegā panchhī

mausam-e-gul hai abhī rang-e-ḳhizāñ bhī hogā

Dar ho kyoñ raat kā hai umr hī kitnī us kī

sub.h ho jaane do manzil kā nishāñ bhī hogā

dasht jo aaj hai kal qariya-e-jaan bhi hoga

dil mein jab KHun hai to aankhon se rawan bhi hoga

ho gae ghair bhi kya kije usi ke aaKHir

dil kabhi de ke na socha tha ziyan bhi hoga

KHun-baha dekhiye ab jae ye kis ke sar par

baat niklegi to kuchh zikr pata bhi hoga

bazm hai raqs mein jugnu bhi chamakte sar par

shama gul hoti to har samt dhuan bhi hoga

kah gae hazrat-e-waiz bhi pate ki baaten

chhoD dun gar tumhein jannat mein makan bhi hoga

kab talak koi fazaon mein uDega panchhi

mausam-e-gul hai abhi rang-e-KHizan bhi hoga

Dar ho kyon raat ka hai umr hi kitni us ki

subh ho jaane do manzil ka nishan bhi hoga