dasht ka lamba safar tha dur tak saya na tha

dasht kā lambā safar thā duur tak saaya na thā

lauT jaane ke sivā aage koī rasta na thā

āñdhiyāñ be-jān shāḳhoñ se uljhtīñ bhī to kyā

peḌ ke nange badan par ek bhī patta na thā

khul ke donoñ laḌ rahe the ik zarā sī baat par

rokne ke vāste ghar meñ koī būḌhā na thā

so gayā āñgan meñ maiñ phir chup kī chādar oḌh kar

khaTkhaTātā kyā mire kamre meñ darvāza na thā

bolne lagte haiñ jheñgur kaan kī dahlīz par

jism meñ mere kabhī bhī itnā sannāTā na thā

dasht ka lamba safar tha dur tak saya na tha

lauT jaane ke siwa aage koi rasta na tha

aandhiyan be-jaan shaKHon se uljhtin bhi to kya

peD ke nange badan par ek bhi patta na tha

khul ke donon laD rahe the ek zara si baat par

rokne ke waste ghar mein koi buDha na tha

so gaya aangan mein main phir chup ki chadar oDh kar

khaTkhaTata kya mere kamre mein darwaza na tha

bolne lagte hain jhengur kan ki dahliz par

jism mein mere kabhi bhi itna sannaTa na tha