dasht mein ek bund pani ki

dasht meñ ek buuñd paanī kī

ye kahānī hai rā.egānī kī

us ne dekhā jo muskurā ke mujhe

maiñ ne had kar dī ḳhush-gumānī kī

aap par e'tibār thā mujh ko

aapne bhī ġhalat-bayānī kī

sāmne laao tīsrā kirdār

dūsrī qist hai kahānī kī

ek ujḌī huī 'imārat kī

kyoñ muhāfiz ne pāsbānī kī

buuñd meñ dekhtī hai bechainī

aañkh Thahrī huī ravānī kī

baat kahnī use nahīñ aa.ī

maiñ ne dushman kī tarjumānī kī

be-gunāhoñ ko pahle qatl kiyā

phir janāzoñ pe gul-fishānī kī

ham ne aapas meñ iḳhtilāf kiyā

ham pe dushman ne hukmrānī kī

dasht mein ek bund pani ki

ye kahani hai raegani ki

us ne dekha jo muskura ke mujhe

main ne had kar di KHush-gumani ki

aap par e'tibar tha mujh ko

aapne bhi ghalat-bayani ki

samne lao tisra kirdar

dusri qist hai kahani ki

ek ujDi hui 'imarat ki

kyon muhafiz ne pasbani ki

bund mein dekhti hai bechaini

aankh Thahri hui rawani ki

baat kahni use nahin aai

main ne dushman ki tarjumani ki

be-gunahon ko pahle qatl kiya

phir janazon pe gul-fishani ki

hum ne aapas mein iKHtilaf kiya

hum pe dushman ne hukmrani ki