dasht-o-dariya ke ye us par kahan tak jati

dasht-o-dariyā ke ye us paar kahāñ tak jaatī

ghar kī dīvār thī dīvār kahāñ tak jaatī

miT ga.ī hasrat-e-dīdār bhī rafta rafta

hijr meñ hasrat-e-dīdār kahāñ tak jaatī

thak ga.e hoñT tirā naam bhī lete lete

ek hī lafz kī takrār kahāñ tak jaatī

laaj rakhnā thī masīhā.ī kī ham ko varna

dekhte lazzat-e-āzār kahāñ tak jaatī

rāhbar us ko sarāboñ meñ liye phirte the

ḳhilqat-e-shahr thī bīmār kahāñ tak jaatī

har taraf husn ke bāzār lage the 'bāqī'

har taraf chashm-e-ḳharīdār kahāñ tak jaatī

dasht-o-dariya ke ye us par kahan tak jati

ghar ki diwar thi diwar kahan tak jati

miT gai hasrat-e-didar bhi rafta rafta

hijr mein hasrat-e-didar kahan tak jati

thak gae honT tera nam bhi lete lete

ek hi lafz ki takrar kahan tak jati

laj rakhna thi masihai ki hum ko warna

dekhte lazzat-e-azar kahan tak jati

rahbar us ko sarabon mein liye phirte the

KHilqat-e-shahr thi bimar kahan tak jati

har taraf husn ke bazar lage the 'baqi'

har taraf chashm-e-KHaridar kahan tak jati