dastar bahut roi dinar bahut roya

dastār bahut roī dīnār bahut royā

jab daam lage mere bāzār bahut royā

kuchh bhī na huā hāsil be-kār bahut royā

jab hosh meñ aayā to mai-ḳhvār bahut royā

muñh-zor talātum ne chhoḌā na safīne ko

jab bas na chalā koī patvār bahut royā

ham ne to sanam terī chup-chāp parastish kī

lekin ye dil-e-bismil har baar bahut royā

tahrīr meñ jab us ne ḳhud apnī numā.ish kī

dekhā ye tamāsha to aḳhbār bahut royā

vo aa.e tasallī ko kyā ḳhuub 'ināyat kī

jab chain milā dil ko bīmār bahut royā

phūloñ ne to hañs hañs ke bas zaḳhm diye mujh ko

par dekh mujhe zaḳhmī har ḳhaar bahut royā

dastar bahut roi dinar bahut roya

jab dam lage mere bazar bahut roya

kuchh bhi na hua hasil be-kar bahut roya

jab hosh mein aaya to mai-KHwar bahut roya

munh-zor talatum ne chhoDa na safine ko

jab bas na chala koi patwar bahut roya

hum ne to sanam teri chup-chap parastish ki

lekin ye dil-e-bismil har bar bahut roya

tahrir mein jab us ne KHud apni numaish ki

dekha ye tamasha to aKHbar bahut roya

wo aae tasalli ko kya KHub 'inayat ki

jab chain mila dil ko bimar bahut roya

phulon ne to hans hans ke bas zaKHm diye mujh ko

par dekh mujhe zaKHmi har KHar bahut roya