dastak deti sirf hawa ho aisa bhi ho sakta hai
dastak detī sirf havā ho aisā bhī ho saktā hai
der se koī dar pe khaḌā ho aisā bhī ho saktā hai
shāḳh-e-armāñ suunī hai to kyā ilzām bahāroñ par
phuul kisī ne toḌ liyā ho aisā bhī ho saktā hai
ek taġhāful-parvarda to ḳhūgar-e-ġham ho jaatā hai
lutf-o-karam se dard baḌhā ho aisā bhī ho saktā hai
aadhī raat hai band paḌe haiñ shahr ke saare darvāze
koī kivāḌa ab bhī khulā ho aisā bhī ho saktā hai
des parāyā log parā.e us se kyā hotā hai 'shakeb'
tum ko koī DhūñDh rahā ho aisā bhī ho saktā hai
dastak deti sirf hawa ho aisa bhi ho sakta hai
der se koi dar pe khaDa ho aisa bhi ho sakta hai
shaKH-e-arman suni hai to kya ilzam bahaaron par
phul kisi ne toD liya ho aisa bhi ho sakta hai
ek taghaful-parwarda to KHugar-e-gham ho jata hai
lutf-o-karam se dard baDha ho aisa bhi ho sakta hai
aadhi raat hai band paDe hain shahr ke sare darwaze
koi kiwaDa ab bhi khula ho aisa bhi ho sakta hai
des paraya log parae us se kya hota hai 'shakeb'
tum ko koi DhunDh raha ho aisa bhi ho sakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
