daur-e-hazir ka ye kaisa gulsitan hai boliye

daur-e-hāzir kā ye kaisā gulsitāñ hai boliye

phuul to har samt haiñ ḳhushbū kahāñ hai boliye

aap bhī paḌhte to hoñge āj-kal aḳhbār meñ

jurm kis kā aur kis kī dāstāñ hai boliye

rāstoñ se manziloñ tak mere paañv ke sivā

pattharoñ par kyā koī taaza nishāñ hai boliye

salb ho kar rah ga.iiñ kyuuñ ehtajājī quvvateñ

kaun ham logoñ meñ āḳhir be-zabāñ hai boliye

vo sitam-gar jis se duniyā ko amaañ miltī nahīñ

kis liye vo aaj ham par mehrbāñ hai boliye

jism miTTī ruuh mehmāñ saañs bhī us kī to phir

aap ko kis baat par itnā gumāñ hai boliye

kyā kaheñ 'tashna' kī is tuk-bandiyoñ ke daur meñ

shā.irī ko ab koī suntā kahāñ hai boliye

daur-e-hazir ka ye kaisa gulsitan hai boliye

phul to har samt hain KHushbu kahan hai boliye

aap bhi paDhte to honge aaj-kal aKHbar mein

jurm kis ka aur kis ki dastan hai boliye

raston se manzilon tak mere panw ke siwa

pattharon par kya koi taza nishan hai boliye

salb ho kar rah gain kyun ehtajaji quwwaten

kaun hum logon mein aaKHir be-zaban hai boliye

wo sitam-gar jis se duniya ko aman milti nahin

kis liye wo aaj hum par mehrban hai boliye

jism miTTi ruh mehman sans bhi us ki to phir

aap ko kis baat par itna guman hai boliye

kya kahen 'tashna' ki is tuk-bandiyon ke daur mein

shairi ko ab koi sunta kahan hai boliye