دوران جنگ ہمت مردانہ چاہئے

دوران جنگ ہمت مردانہ چاہئے

ہمت اگر نہیں ہے تو مر جانا چاہئے

یہ کیا کہ بزدلوں کی طرح گفتگو کریں

پیش حریف شان حریفانہ چاہئے

تیرا ہر اعتراض سر آنکھوں پہ ہے مگر

انداز اعتراض شریفانہ چاہئے

زور بیاں نہیں نہ سہی وقت گفتگو

طرز سخن برنگ کلیمانہ چاہئے

پانی میں رہنا ہے تو نہ رکھیں مگر سے بیر

از راہ مصلحت سہی یارانہ چاہئے

بجھتے ہوئے دلوں کو جو تحریک دے سکے

کردار ایسا حوصلہ مندانہ چاہئے

رہبرؔ کسی کی ہم سفری ہو جہاں سے بار

تم کو اسی مقام سے لوٹ آنا چاہئے