دوا اثر نہیں رکھتی دعا قبول نہیں

دوا اثر نہیں رکھتی دعا قبول نہیں

یہ کیسے لوگ ہیں جن کو خدا قبول نہیں

مرا بھی دل نہیں لگتا گھنے مکانوں میں

اسے بھی شہر کی آب و ہوا قبول نہیں

پہنچ تو سکتا ہوں منزل پہ آپ سے پہلے

مگر میں کیا کروں جب راستا قبول نہیں

کہ جس سے شعر میں معنی کا التوا ہی نہ ہو

سخن کے باب میں وہ تجربہ قبول نہیں

میں وہ فقیر ہوں جس کو دلوں کے طاقچوں میں

خدا قبول ہے خوف خدا قبول نہیں

وہ حسن ہے اسے زیبا تمام راز و نیاز

میں عشق ہوں مجھے شکوہ گلہ قبول نہیں

دل و دماغ پہ طاری ہے اس کا عشق فداؔ

دل و دماغ کو دنیا بھی ناقبول نہیں