dawa ke nam se haalat KHarab hoti hai

davā ke naam se hālat ḳharāb hotī hai

'ilāj se mirī sehat ḳharāb hotī hai

jab aur mujh pe masīhā tavajjoh detā hai

kuchh aur merī tabī'at ḳharāb hotī hai

charāġh-e-rāh ke bujhne se kuchh nahīñ hotā

pa shām-e-ku-e-malāmat ḳharāb hotī hai

ye soch kar nahīñ koī jahān kā mālik

kabhī kabhī mirī niyyat ḳharāb hotī hai

ḳhudā ke vāste tafrīq-o-jam' kar na yahāñ

fazā-e-shahr-e-mohabbat ḳharāb hotī hai

ye kār-e-'ishq hai yaañ ik ghaḌī kī ġhaflat se

tamām 'umr kī mehnat ḳharāb hotī hai

dayār-e-'ishq meñ miltī hai surḳh-rūī use

ki jis kī jitnī bhī 'izzat ḳharāb hotī hai

dawa ke nam se haalat KHarab hoti hai

'ilaj se meri sehat KHarab hoti hai

jab aur mujh pe masiha tawajjoh deta hai

kuchh aur meri tabi'at KHarab hoti hai

charagh-e-rah ke bujhne se kuchh nahin hota

pa sham-e-ku-e-malamat KHarab hoti hai

ye soch kar nahin koi jahan ka malik

kabhi kabhi meri niyyat KHarab hoti hai

KHuda ke waste tafriq-o-jam' kar na yahan

faza-e-shahr-e-mohabbat KHarab hoti hai

ye kar-e-'ishq hai yan ek ghaDi ki ghaflat se

tamam 'umr ki mehnat KHarab hoti hai

dayar-e-'ishq mein milti hai surKH-rui use

ki jis ki jitni bhi 'izzat KHarab hoti hai