daya mujhko dhoka tumhaari hansi ne

dayā mujh ko dhokā tumhārī hañsī ne

añdhere meñ rakkhā mujhe raushnī ne

mohabbat se har dil ko shikva hai lekin

mohabbat kā dāman na chhoḌā kisī ne

na kuchh ho sakā aaj tak aadmī se

agarche bahut kuchh kiyā aadmī ne

pukārā hai us ne mirā naam le kar

ki āvāz dī hai mujhe zindagī ne

na bahke qadam us ke hargiz na bahke

sahārā jise de diyā be-ḳhudī ne

tirī dushmanī se jo mumkin nahīñ thā

dikhā.e haiñ vo din tirī dostī ne

'shamīm' is tamanna se ham baaz aa.e

diloñ ke kare chuur jo ābgīne

daya mujh ko dhoka tumhaari hansi ne

andhere mein rakkha mujhe raushni ne

mohabbat se har dil ko shikwa hai lekin

mohabbat ka daman na chhoDa kisi ne

na kuchh ho saka aaj tak aadmi se

agarche bahut kuchh kiya aadmi ne

pukara hai us ne mera nam le kar

ki aawaz di hai mujhe zindagi ne

na bahke qadam us ke hargiz na bahke

sahaara jise de diya be-KHudi ne

teri dushmani se jo mumkin nahin tha

dikhae hain wo din teri dosti ne

'shamim' is tamanna se hum baz aae

dilon ke kare chur jo aabgine