dayar-e-dil se kisi ka guzar zaruri tha

dayār-e-dil se kisī kā guzar zarūrī thā

ujaaḌ raste pe koī shajar zarūrī thā

zarā sī der meñ bujhne ko thā magar us dam

diye ko chaltī havā kā samar zarūrī thā

agar na hote ye duniyā isī tarah chaltī

hamārā honā jahāñ meñ magar zarūrī thā

nazar meñ sher sajāte ġhazal samā.at meñ

suḳhan ke shahr meñ aisā nagar zarūrī thā

hamāre dil meñ rahī hai bas ek hī ḳhvāhish

dayār-e-yār meñ apnā bhī ghar zarūrī thā

chhalak rahī haiñ mire rome rome se ḳhushiyāñ

tumhārī bazm kā kuchh to asar zarūrī thā

dayar-e-dil se kisi ka guzar zaruri tha

ujaD raste pe koi shajar zaruri tha

zara si der mein bujhne ko tha magar us dam

diye ko chalti hawa ka samar zaruri tha

agar na hote ye duniya isi tarah chalti

hamara hona jahan mein magar zaruri tha

nazar mein sher sajate ghazal samaat mein

suKHan ke shahr mein aisa nagar zaruri tha

hamare dil mein rahi hai bas ek hi KHwahish

dayar-e-yar mein apna bhi ghar zaruri tha

chhalak rahi hain mere rome rome se KHushiyan

tumhaari bazm ka kuchh to asar zaruri tha