dayar-e-gham se hum bahar nikal ke sher kahte hain

dayār-e-ġham se ham bāhar nikal ke sher kahte haiñ

masā.il haiñ bahut se un meñ Dhal ke sher kahte haiñ

dahakte aag ke sho.aloñ pe chal ke sher kahte haiñ

hameñ pahchān liije ham ġhazal ke sher kahte haiñ

rivāyat ke pujārī is liye nārāz haiñ ham se

ḳhatā ye hai na.e rastoñ pe chal ke sher kahte haiñ

hameñ tanhā.iyoñ kā shor jab bechain kartā hai

ikaTThī karte haiñ yādeñ ġhazal ke sher kahte haiñ

sitāroñ kī tarah raushan haiñ jin ke lafz zehnoñ meñ

vo shāyad mom kī sūrat pighal ke sher kahte haiñ

hamārī shā.irī us ko kahīñ rusvā na kar Daale

so us ke shahr meñ thoḌā sambhal ke sher kahte

dayar-e-gham se hum bahar nikal ke sher kahte hain

masail hain bahut se un mein Dhal ke sher kahte hain

dahakte aag ke shoalon pe chal ke sher kahte hain

hamein pahchan lije hum ghazal ke sher kahte hain

riwayat ke pujari is liye naraaz hain hum se

KHata ye hai nae raston pe chal ke sher kahte hain

hamein tanhaiyon ka shor jab bechain karta hai

ikaTThi karte hain yaaden ghazal ke sher kahte hain

sitaron ki tarah raushan hain jin ke lafz zehnon mein

wo shayad mom ki surat pighal ke sher kahte hain

hamari shairi us ko kahin ruswa na kar Dale

so us ke shahr mein thoDa sambhal ke sher kahte