dayar-e-shahid-e-bilqis-ada se aaya hun

dayār-e-shāhid-e-bilqīs-adā se aayā huuñ

maiñ ik faqīr huuñ shahr-e-sabā se aayā huuñ

jahān-e-nau kī talab aur is ḳharābe meñ

savād-e-istaḳhr-o-nainvā se aayā huuñ

shab-e-siyāh-e-ḳhizāñ ke sumūm-o-sar-sar tak

nigār-ḳhāna-e-shub.h-o-sabā se aayā huuñ

abhī kahāñ hai mujhe nauha-o-navā kā shu.ūr

ki ek nāhiya-e-be-navā se aayā huuñ

mire rumūz kā irfāñ kise nasīb ki maiñ

sarosh-e-rūh-e-azal huuñ samā se aayā huuñ

damak rahī hai zamān-o-makāñ kī peshānī

sitāra-e-abadī huuñ ḳhalā se aayā huuñ

tumhāre ġhuncha-o-gul se ġharaz nahīñ mujh ko

idhar ishāra-e-bād-e-sabā se aayā huuñ

dayar-e-shahid-e-bilqis-ada se aaya hun

main ek faqir hun shahr-e-saba se aaya hun

jahan-e-nau ki talab aur is KHarabe mein

sawad-e-istaKHr-o-nainwa se aaya hun

shab-e-siyah-e-KHizan ke sumum-o-sar-sar tak

nigar-KHana-e-shubh-o-saba se aaya hun

abhi kahan hai mujhe nauha-o-nawa ka shuur

ki ek nahiya-e-be-nawa se aaya hun

mere rumuz ka irfan kise nasib ki main

sarosh-e-ruh-e-azal hun sama se aaya hun

damak rahi hai zaman-o-makan ki peshani

sitara-e-abadi hun KHala se aaya hun

tumhaare ghuncha-o-gul se gharaz nahin mujh ko

idhar ishaara-e-baad-e-saba se aaya hun