hujum-e-gham hai qalb gham-zada hai
hujūm-e-ġham hai qalb ġham-zada hai
mirī mahfil mirā ḳhalvat-kada hai
azal se aaj tak koī na samjhā
hayāt-e-muḳhtasar kyā sho.abada hai
bahakne de zarā rindoñ ko saaqī
yahī hañgāma jān-e-mai-kada hai
kahāñ dekhoge tum apnī tajallī
jo ā.īna hai vo hairat-zada hai
nazar kyā jām-o-mīnā par uThā.ūñ
nigāh-e-dost puurā mai-kada hai
idhar bhī ruḳh kar ai bārān-e-rahmat
hamārā āshiyāñ ātish-zada hai
mire piine pe pābandī hai jab se
'sabā' ujḌā huā sā mai-kada hai
hujum-e-gham hai qalb gham-zada hai
meri mahfil mera KHalwat-kada hai
azal se aaj tak koi na samjha
hayat-e-muKHtasar kya shoabada hai
bahakne de zara rindon ko saqi
yahi hangama jaan-e-mai-kada hai
kahan dekhoge tum apni tajalli
jo aaina hai wo hairat-zada hai
nazar kya jam-o-mina par uThaun
nigah-e-dost pura mai-kada hai
idhar bhi ruKH kar ai baran-e-rahmat
hamara aashiyan aatish-zada hai
mere pine pe pabandi hai jab se
'saba' ujDa hua sa mai-kada hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
