de sakega na tumhein phir koi aawaz kahin
de sakega na tumhein phir koi aawaz kahin
Saghir Ahmad Saghir Ahsani
MORE BYSaghir Ahmad Saghir Ahsani
de sakegā na tumheñ phir koī āvāz kahīñ
merī hastī kā agar TuuT gayā saaz kahīñ
ishq mahkūm sahī bekas-o-majbūr sahī
husn tanhā bhī huā hai asar-andāz kahīñ
ġham-e-nā-qadrī-e-duniyā to nahīñ hai lekin
nigah-e-dost na kar de nazar-andāz kahīñ
ḳhāmī-e-zauq-e-talab ne hameñ rakkhā mahrūm
ye ġhalat hai na sunī ho tirī āvāz kahīñ
bahr-e-hastī meñ jo ubhrā to ubhārā tū ne
maiñ huā aap na ai dost sar-afrāz kahīñ
rañg māhaul-e-chaman se ye huvaidā hai 'saġhīr'
kaam aa.egī mirī jur.at-e-parvāz kahīñ
de sakega na tumhein phir koi aawaz kahin
meri hasti ka agar TuT gaya saz kahin
ishq mahkum sahi bekas-o-majbur sahi
husn tanha bhi hua hai asar-andaz kahin
gham-e-na-qadri-e-duniya to nahin hai lekin
nigah-e-dost na kar de nazar-andaz kahin
KHami-e-zauq-e-talab ne hamein rakkha mahrum
ye ghalat hai na suni ho teri aawaz kahin
bahr-e-hasti mein jo ubhra to ubhaara tu ne
main hua aap na ai dost sar-afraaz kahin
rang mahaul-e-chaman se ye huwaida hai 'saghir'
kaam aaegi meri jurat-e-parwaz kahin
- Book : Nuquush-e-daaG (Pg. 213)
- Author : Sahir Hoshiyarpuri
- Publication : Haryana Urdu Acadami (1992)
- Edition : 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
