de tabassum ki KHairaat mahaul ko hum ko darkar hai raushni ya nabi

de tabassum kī ḳhairāt māhaul ko ham ko darkār hai raushnī yā nabī

ek shīrīñ jhalak ek rangīñ Dalak talḳh-o-tārīk hai zindagī yā nabī

ai naved-e-masīhā tirī qaum kā haal iisā kī bheḌoñ se abtar huā

is ke kamzor aur be-hunar haath se chhīn lī charḳh ne bartarī yā nabī

kaam ham ne rakhā sirf azkār se terī ta.alīm apnā.ī aġhyār ne

hashr meñ muñh dikhā.eñge kaise tujhe ham se nā-karda-kār ummatī yā nabī

ruuh vīrān hai aañkh hairān hai ek bohrān thā ek bohrān hai

gulshanoñ shahroñ qariyoñ pe hai par-fishāñ ek gambhīr afsurdagī yā nabī

sach mire daur meñ jurm hai aib hai jhuuT fann-e-azīm aaj lā-raib hai

ek e.azāz hai jahl o be-rah-ravī ek āzār hai āgahī yā nabī

rāzdāñ is jahāñ meñ banā.ūñ kise ruuh ke zaḳhm jā kar dikhā.ūñ kise

ġhair ke sāmne kyoñ tamāshā banūñ kyoñ karūñ dostoñ ko dukhī yā nabī

ziist ke tapte sahrā pa shāh-e-arab tere ikrām kā abr barsegā kab

kab harī hogī shāḳh-e-tamannā mirī kab miTegī mirī tishnagī yā nabī

yā nabī ab to āshob-e-hālāt ne terī yādoñ ke chehre bhī dhuñdlā diye

dekh le tere 'tā.ib' kī naġhmagarī bantī jaatī hai nauhagarī yā nabī

de tabassum ki KHairaat mahaul ko hum ko darkar hai raushni ya nabi

ek shirin jhalak ek rangin Dalak talKH-o-tarik hai zindagi ya nabi

ai nawed-e-masiha teri qaum ka haal isa ki bheDon se abtar hua

is ke kamzor aur be-hunar hath se chhin li charKH ne bartari ya nabi

kaam hum ne rakha sirf azkar se teri talim apnai aghyar ne

hashr mein munh dikhaenge kaise tujhe hum se na-karda-kar ummati ya nabi

ruh viran hai aankh hairan hai ek bohran tha ek bohran hai

gulshanon shahron qariyon pe hai par-fishan ek gambhir afsurdagi ya nabi

sach mere daur mein jurm hai aib hai jhuT fann-e-azim aaj la-raib hai

ek eazaz hai jahl o be-rah-rawi ek aazar hai aagahi ya nabi

raazdan is jahan mein banaun kise ruh ke zaKHm ja kar dikhaun kise

ghair ke samne kyon tamasha banun kyon karun doston ko dukhi ya nabi

zist ke tapte sahra pa shah-e-arab tere ikram ka abr barsega kab

kab hari hogi shaKH-e-tamanna meri kab miTegi meri tishnagi ya nabi

ya nabi ab to aashob-e-haalat ne teri yaadon ke chehre bhi dhundla diye

dekh le tere 'taib' ki naghmagari banti jati hai nauhagari ya nabi