دیکھ اے دنیا ببول اب پھولنے پھلنے لگے

دیکھ اے دنیا ببول اب پھولنے پھلنے لگے

زخم دل کے آخرش اشعار میں ڈھلنے لگے

پیڑ اداسی کا رکھا ہے دل میں ایک اس وجہ سے

چھاؤں میں اس کی اگر کل کو غزل پلنے لگے

دنگ ہے خود کی ہی بستی میں دھواں وہ دیکھ کر

بم کہاں پھینکے تھے اس نے گھر کہاں جلنے لگے

تو مرے زندان کے قصہ ذرا سن کے تو دیکھ

عین ممکن ہے کہ آزادی تجھے کھلنے لگے

خط لکھا کیجے نہ فانیؔ آج کے بھی دور میں

کیا پتہ کس دور میں یہ طور پھر چلنے لگے