dekh darwaze se mujhko wo pari-ru haT gai

dekh darvāze se mujh ko vo parī-rū haT ga.ī

dekhte hī us ke merī jaan bas chaT-paT ga.ī

tum udhar dhote rahe muñh ham idhar rote rahe

rote-dhote do ghaḌī baare maze se kaT ga.ī

gard-e-kulfat bas-ki chhā.ī dil se tā āñkhoñ talak

nahr thī jaarī jo āñkhoñ kī mire so paT ga.ī

jī adā ne zulf ne dil hosh ġhamzoñ ne liyā

jins-e-hastī apnī sab ġhārat meñ aa kar baT ga.ī

parde hī parde meñ dil ko ḳhaak kar Daalā mire

is adā se vo parī muñh par liye ghūñghaT ga.ī

zulf gar chhidrī huī tere to mat khā pech-o-tāb

kyā huā az-bas uThā.e bojh dil ke luT ga.ī

kal jo merā ḳhush-nigah guzrā chaman se ai 'hasan'

muuñd lī bādām ne aañkh aur nargis kaT ga.ī

dekh darwaze se mujh ko wo pari-ru haT gai

dekhte hi us ke meri jaan bas chaT-paT gai

tum udhar dhote rahe munh hum idhar rote rahe

rote-dhote do ghaDi bare maze se kaT gai

gard-e-kulfat bas-ki chhai dil se ta aankhon talak

nahr thi jari jo aankhon ki mere so paT gai

ji ada ne zulf ne dil hosh ghamzon ne liya

jins-e-hasti apni sab ghaarat mein aa kar baT gai

parde hi parde mein dil ko KHak kar Dala mere

is ada se wo pari munh par liye ghunghaT gai

zulf gar chhidri hui tere to mat kha pech-o-tab

kya hua az-bas uThae bojh dil ke luT gai

kal jo mera KHush-nigah guzra chaman se ai 'hasan'

mund li baadam ne aankh aur nargis kaT gai