دیکھ ان چڑیوں کو چڑیا گھر نہ دیکھ
دیکھ ان چڑیوں کو چڑیا گھر نہ دیکھ
لوٹ مت پیچھے کو یوں مڑ کر نہ دیکھ
ہاتھیوں کی پیٹھ پر بیٹھا ہے دن
شام سے پہلے کوئی منظر نہ دیکھ
اپنی دیواروں سے کچھ باہر نکل
صرف خالی گھر کے بام و در نہ دیکھ
پتھروں کے کرب کو محسوس کر
میرے سینے پر رکھا پتھر نہ دیکھ
کر گیا سورج سبھی کو بے لباس
اب کوئی سایہ کوئی پیکر نہ دیکھ
اپنی ننگی چارپائی ڈھانپ لے
اس کے بستر کی دھلی چادر نہ دیکھ
فرش پر بے لفظ آوازوں کو سن
ہنہناتی گھوڑیوں کے سر نہ دیکھ
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
