dekh kar aapne mayus-e-tamanna mujhko

dekh kar aap ne māyūs-e-tamannā mujh ko

parda-hā-e-mah-o-anjum se pukārā mujh ko

jab bhī laġhzish huī qadmoñ ko sar-e-rāh-e-talab

aap ke ġham ne diyā baḌh ke sahārā mujh ko

be-ḳhudī kar ga.ī kaunain se begāna mujhe

ab na sāhil kī na tūfāñ kī tamannā mujh ko

maiñ ne duniyā kī har ik shai meñ tujhe yuuñ dekhā

apnā dīvāna samajhne lagī duniyā mujh ko

le uḌā manzil-e-maqsūd-e-mohabbat kī taraf

mere saaqī tirī nazroñ kā ishārā mujh ko

zarre zarre meñ tire husn kī ra.anā.ī hai

ḳhuld-bardosh nazar aatī hai duniyā mujh ko

kar ga.ī be-ḳhabar-e-sāġhar-o-mīnā ai 'soz'

chashm-e-sāqī se barastī huī sahbā mujh ko

dekh kar aap ne mayus-e-tamanna mujh ko

parda-ha-e-mah-o-anjum se pukara mujh ko

jab bhi laghzish hui qadmon ko sar-e-rah-e-talab

aap ke gham ne diya baDh ke sahaara mujh ko

be-KHudi kar gai kaunain se begana mujhe

ab na sahil ki na tufan ki tamanna mujh ko

main ne duniya ki har ek shai mein tujhe yun dekha

apna diwana samajhne lagi duniya mujh ko

le uDa manzil-e-maqsud-e-mohabbat ki taraf

mere saqi teri nazron ka ishaara mujh ko

zarre zarre mein tere husn ki ranai hai

KHuld-bardosh nazar aati hai duniya mujh ko

kar gai be-KHabar-e-saghar-o-mina ai 'soz'

chashm-e-saqi se barasti hui sahba mujh ko