dekh kar dil ko pech-o-tab ke bich

dekh kar dil ko pech-o-tāb ke biich

aa paḌā muft maiñ azaab ke biich

kaun rahtā hai tere ġham ke sivā

is dil-e-ḳhānumāñ-ḳharāb ke biich

tere ātish-zadoñ ne misl-sharār

umr kaaTī hai iztirāb ke biich

kyā kahūñ tujh se ab ke maiñ tujh ko

kis tarah dekhtā huuñ ḳhvāb ke biich

sham.a fānūs meñ na jab ke chhupe

kab chhupe hai ye muñh naqāb ke biich

Tuk tabassum ne kī shakar-rezī

baare ab talḳhī-e-itāb ke biich

kyā kahe vo ki sab huvaidā hai

shaan terī tirī kitāb ke biich

hai ġhulāmī 'asar' ko hazrat-e-'dard'

ba-dil-o-jāñ tirī janāb ke biich

dekh kar dil ko pech-o-tab ke bich

aa paDa muft main azab ke bich

kaun rahta hai tere gham ke siwa

is dil-e-KHanuman-KHarab ke bich

tere aatish-zadon ne misl-sharar

umr kaTi hai iztirab ke bich

kya kahun tujh se ab ke main tujh ko

kis tarah dekhta hun KHwab ke bich

shama fanus mein na jab ke chhupe

kab chhupe hai ye munh naqab ke bich

Tuk tabassum ne ki shakar-rezi

bare ab talKHi-e-itab ke bich

kya kahe wo ki sab huwaida hai

shan teri teri kitab ke bich

hai ghulami 'asar' ko hazrat-e-'dard'

ba-dil-o-jaan teri janab ke bich