dekh kar hum ko asir-e-arzu

dekh kar ham ko asīr-e-ārzū

aur bhī vo ho ga.e begāna-ḳhū

phaaḌ Daalā dast-e-vahshat ne jise

phir kareñ kyā is garebāñ kā rafū

phir sajāo mahfil-e-dār-o-rasan

muztarib hai phir zabān-e-guftugū

gar ziyāda se ziyāda hoñ gunah

kam nahīñ hai āyat-e-lā-taqnatū

mujh ko Dar lagtā hai apne shahr meñ

haiñ bahut ūñche yahāñ ke kāḳh-o-kū

jab bhī rut aatī hai patjhaḌ kī yahāñ

chuus letī hai bahāroñ kā lahū

rah ke 'najmī' ne pas-e-parda yahāñ

kar diyā hai sab ko mahv-e-justujū

dekh kar hum ko asir-e-arzu

aur bhi wo ho gae begana-KHu

phaD Dala dast-e-wahshat ne jise

phir karen kya is gareban ka rafu

phir sajao mahfil-e-dar-o-rasan

muztarib hai phir zaban-e-guftugu

gar ziyaada se ziyaada hon gunah

kam nahin hai aayat-e-la-taqnatu

mujh ko Dar lagta hai apne shahr mein

hain bahut unche yahan ke kaKH-o-ku

jab bhi rut aati hai patjhaD ki yahan

chus leti hai bahaaron ka lahu

rah ke 'najmi' ne pas-e-parda yahan

kar diya hai sab ko mahw-e-justuju