dekh kar har dar-o-dīvār ko hairāñ honā
vo mirā pahle-pahal dāḳhil-e-zindāñ honā
qābil-e-dīd hai us ghar kā bhī vīrāñ honā
jis ke har gosha meñ maḳhfī thā bayābāñ honā
jī na uTThūñgā hai bekār pashemāñ honā
jaao ab ho chukā jo kuchh thā mirī jaañ honā
vāhima mujh ko dikhātā hai junūñ ke sāmāñ
nazar aatā hai mujhe ghar kā bayābāñ honā
uf mire ujḌe hue ghar kī tabāhī dekho
jis ke har zarre pe chhāyā hai bayābāñ honā
hādse donoñ ye aalam meñ aham guzre haiñ
hādse donoñ ye aalam meñ aham guzre haiñ
merā marnā tirī zulfoñ kā pareshāñ honā
al-hazar gor-e-ġharībāñ kī Daraunī rāteñ
aur vo un ke ghane baal pareshāñ honā
rāt-bhar soz-e-mohabbat ne jalāyā mujh ko
thā muqaddar meñ charāġh-e-shab-e-hijrāñ honā
kyuuñ na vahshat meñ bhī pāband-e-mohabbat rahtā
thā bayābāñ meñ mujhe qaidi-e-zindāñ honā
hogā ik vaqt meñ ye vāqi.a-e-tārīḳhī
yaad rakhnā mire kāshāne kā vīrāñ honā
kuchh na pūchho shab-e-va.ada mire ghar kī raunaq
allāh allāh vo sāmān se sāmāñ honā
josh meñ le ke ik añgḌā.ī kisī kā kahnā
tum ko aatā hī nahīñ chāk-garebāñ honā
un kī us koshish-e-be-had kā pata detā hai
chārasāzoñ kā mire laash pe giryāñ honā
ālam-e-ishq kī fitrat meñ ḳhalal aatā hai
maan luuñ hazrat-e-nāseh kā gar insāñ honā
surḳh Dorī tirī āñkhoñ kī ilāhī tauba
chāhiye thā inheñ paivast-e-rag-e-jāñ honā
ho chaleñ aap ke bīmār kī āñkheñ be-nūr
qahr thā sub.h ke taare kā numāyāñ honā
maiñ karūñ zabt idhar un ko pasīna aa.e
chāhiye yuuñ ġham-e-pinhāñ ko numāyāñ honā
allāh allāh ye salīqa tirā ai sho.ala-e-tūr
kis tarah tū ne chhupāyā hai numāyāñ honā
un se kartā hai dam-e-naz.a vasiyyat ye 'azīz'
ḳhalq ro.egī magar tum na pareshāñ honā
dekh kar har dar-o-diwar ko hairan hona
wo mera pahle-pahal daKHil-e-zindan hona
qabil-e-did hai us ghar ka bhi viran hona
jis ke har gosha mein maKHfi tha bayaban hona
ji na uTThunga hai bekar pasheman hona
jao ab ho chuka jo kuchh tha meri jaan hona
wahima mujh ko dikhata hai junun ke saman
nazar aata hai mujhe ghar ka bayaban hona
uf mere ujDe hue ghar ki tabahi dekho
jis ke har zarre pe chhaya hai bayaban hona
hadse donon ye aalam mein aham guzre hain
hadse donon ye aalam mein aham guzre hain
mera marna teri zulfon ka pareshan hona
al-hazar gor-e-ghariban ki Darauni raaten
aur wo un ke ghane baal pareshan hona
raat-bhar soz-e-mohabbat ne jalaya mujh ko
tha muqaddar mein charagh-e-shab-e-hijran hona
kyun na wahshat mein bhi paband-e-mohabbat rahta
tha bayaban mein mujhe qaidi-e-zindan hona
hoga ek waqt mein ye waqia-e-tariKHi
yaad rakhna mere kashane ka viran hona
kuchh na puchho shab-e-wada mere ghar ki raunaq
allah allah wo saman se saman hona
josh mein le ke ek angDai kisi ka kahna
tum ko aata hi nahin chaak-gareban hona
un ki us koshish-e-be-had ka pata deta hai
chaarasazon ka mere lash pe giryan hona
aalam-e-ishq ki fitrat mein KHalal aata hai
man lun hazrat-e-naseh ka gar insan hona
surKH Dori teri aankhon ki ilahi tauba
chahiye tha inhen paiwast-e-rag-e-jaan hona
ho chalen aap ke bimar ki aankhen be-nur
qahr tha subh ke tare ka numayan hona
main karun zabt idhar un ko pasina aae
chahiye yun gham-e-pinhan ko numayan hona
allah allah ye saliqa tera ai shoala-e-tur
kis tarah tu ne chhupaya hai numayan hona
un se karta hai dam-e-naza wasiyyat ye 'aziz'
KHalq roegi magar tum na pareshan hona
Source :
- Gulkadah(Majmua-e-Ghazliyat)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
