dekh kar log hue shashdar-o-hairan mujhe

dekh kar log hue shashdar-o-hairān mujhe

tū kahāñ hai shab-e-ġham aan ke pahchān mujhe

qais-o-farhād har ik gaam pe aate haiñ nazar

jaane kis dasht meñ laayā mirā vijdān mujhe

vaqt kā hai ye taqāzā ki maiñ ab chup na rahūñ

aap kyuuñ dekh ke hone lage hairān mujhe

ab to har phuul bhī kāñTe se sivā lagtā hai

gulshan-e-zīst nazar aatā hai vīrān mujhe

aap ke jaane se mahsūs kiyā hai dil ne

zindagī chhoḌ ga.ī be-sar-o-sāmān mujhe

mushkileñ merī tabī.at ko haiñ marġhūb bahut

zindagī chāhiye hargiz nahīñ āsān mujhe

dekh kar log hue shashdar-o-hairan mujhe

tu kahan hai shab-e-gham aan ke pahchan mujhe

qais-o-farhad har ek gam pe aate hain nazar

jaane kis dasht mein laya mera wijdan mujhe

waqt ka hai ye taqaza ki main ab chup na rahun

aap kyun dekh ke hone lage hairan mujhe

ab to har phul bhi kanTe se siwa lagta hai

gulshan-e-zist nazar aata hai viran mujhe

aap ke jaane se mahsus kiya hai dil ne

zindagi chhoD gai be-sar-o-saman mujhe

mushkilen meri tabiat ko hain marghub bahut

zindagi chahiye hargiz nahin aasan mujhe