دیکھا ہے جن کو آپ نے پتھر بنے ہوئے

دیکھا ہے جن کو آپ نے پتھر بنے ہوئے

لاکھوں غریب کے ہیں مقدر بنے ہوئے

گھر بار کیا یہ دنیا نے دنیا ہی چھین لی

پھر بھی ہم آج تک ہیں سکندر بنے ہوئے

جب تم کسی کی پیاس بجھا سکتے ہی نہیں

پھر کیوں بھٹک رہے ہو سمندر بنے ہوئے

دو چار دن میں آپ تو مایوس ہو گئے

مدت ہوئی قفس کو مرا گھر بنے ہوئے

کچھ فائدہ عوام کو حاصل نہ ہو سکا

عرصہ ہوا ہے تم کو تو رہبر بنے ہوئے

وہ پوری قوم کے لئے ناسور بن گئے

عاطفؔ ہیں آج کل جو قلندر بنے ہوئے