dekhiye andaz uski shoKHi-e-tahrir ka

dekhiye andāz us kī shoḳhi-e-tahrīr kā

pairahan hī ḳhaak hai har paikar-e-tasvīr kā

zarb se us kī laraztā hai dil-e-sang-e-jabal

tesha-e-azm-o-yaqīñ zāmin hai jū-e-shīr kā

ai adū tū kāmrānī par abhī shādāñ na ho

sīna-e-shamshīr meñ baaqī hai dam shamshīr kā

shahr kā manzar vabāl-e-jāñ hai mere vāste

ban gayā vaj.h-e-sukūñ halqa mirī zanjīr kā

sar-phirī āñdhī kī zad par jab bhī kartā huuñ safar

ruḳh badal detā hai merā azm ḳhud taqdīr kā

dekhiye andaz us ki shoKHi-e-tahrir ka

pairahan hi KHak hai har paikar-e-taswir ka

zarb se us ki larazta hai dil-e-sang-e-jabal

tesha-e-azm-o-yaqin zamin hai ju-e-shir ka

ai adu tu kaamrani par abhi shadan na ho

sina-e-shamshir mein baqi hai dam shamshir ka

shahr ka manzar wabaal-e-jaan hai mere waste

ban gaya wajh-e-sukun halqa meri zanjir ka

sar-phiri aandhi ki zad par jab bhi karta hun safar

ruKH badal deta hai mera azm KHud taqdir ka