dekhiye KHak mein majnun ki asar hai ki nahin
dekhiye ḳhaak meñ majnūñ kī asar hai ki nahīñ
dasht meñ nāqa-e-lailā kā guzar hai ki nahīñ
vā agar chashm na ho us ko na kahnā pī ashk
ye ḳhudā jaane sadaf biich guhar hai ki nahīñ
ek ne mujh ko tire dar ke upar dekh kahā
ġhair is dar ke tujhe aur bhī dar hai ki nahīñ
āḳhir is manzil-e-hastī se safar karnā hai
ai musāfir tujhe chalne kī ḳhabar hai ki nahīñ
tosha-e-rāh sabhī ham-safarāñ rakhte haiñ
tere dāman meñ 'fuġhāñ' laḳht-e-jigar hai ki nahīñ
dekhiye KHak mein majnun ki asar hai ki nahin
dasht mein naqa-e-laila ka guzar hai ki nahin
wa agar chashm na ho us ko na kahna pi ashk
ye KHuda jaane sadaf bich guhar hai ki nahin
ek ne mujh ko tere dar ke upar dekh kaha
ghair is dar ke tujhe aur bhi dar hai ki nahin
aaKHir is manzil-e-hasti se safar karna hai
ai musafir tujhe chalne ki KHabar hai ki nahin
tosha-e-rah sabhi ham-safaran rakhte hain
tere daman mein 'fughan' laKHt-e-jigar hai ki nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
