dekhiye kya se kya ho gaya

dekhiye kyā se kyā ho gayā

ab to vo pārsā ho gayā

baat kā thā na jis ko shu.ūr

aaj vo rahnumā ho gayā

luT gayā raah chalte hue

kyā thā sāthī judā ho gayā

sar uThā kar bhī dekhā nahīñ

itnā sharminda sā ho gayā

kuchh salīqa nahīñ baat kā

ruuTh kar vo ḳhafā ho gayā

baat bantī bigaḌtī rahī

bāb-e-dil jab na vā ho gayā

aate jaate bhī miltā nahīñ

itnā kyoñ bevafā ho gayā

kaash ab bhī vo kuchh soch le

vo jo ahl-e-jafā ho gayā

'faiz' kaise kaTe zindagī

jab ki jiinā gila ho gayā

dekhiye kya se kya ho gaya

ab to wo parsa ho gaya

baat ka tha na jis ko shuur

aaj wo rahnuma ho gaya

luT gaya rah chalte hue

kya tha sathi juda ho gaya

sar uTha kar bhi dekha nahin

itna sharminda sa ho gaya

kuchh saliqa nahin baat ka

ruTh kar wo KHafa ho gaya

baat banti bigaDti rahi

bab-e-dil jab na wa ho gaya

aate jate bhi milta nahin

itna kyon bewafa ho gaya

kash ab bhi wo kuchh soch le

wo jo ahl-e-jafa ho gaya

'faiz' kaise kaTe zindagi

jab ki jina gila ho gaya