dekhna husn-e-talab kya mangne aaya hun main

dekhnā husn-e-talab kyā māñgne aayā huuñ maiñ

ik mohabbat kī nazar bas pyaar kā bhūkā huuñ maiñ

apnī hastī kī ḳhabar hai jāntā huuñ kyā huuñ maiñ

ek musht-e-ḳhāk huuñ simTā huā sahrā huuñ maiñ

jis ke ik jalve ne dīvāna banāyā hai mujhe

us but-e-bedād-gar ko DhūñDhtā phirtā huuñ maiñ

aap ne apnā liyā to vāsta duniyā se kyā

merī duniyā aap haiñ aur aap kī duniyā huuñ maiñ

ġhair to kahte raheñge ḳhair jaane dījiye

Thiik kahte haiñ burā huuñ kyā kahūñ achchhā huuñ maiñ

raat din jo ātish-e-furqat meñ jaltā huuñ 'kañval'

ḳhuub un kī bevafā.ī kā mazā letā huuñ maiñ

dekhna husn-e-talab kya mangne aaya hun main

ek mohabbat ki nazar bas pyar ka bhuka hun main

apni hasti ki KHabar hai jaanta hun kya hun main

ek musht-e-KHak hun simTa hua sahra hun main

jis ke ek jalwe ne diwana banaya hai mujhe

us but-e-bedad-gar ko DhunDhta phirta hun main

aap ne apna liya to wasta duniya se kya

meri duniya aap hain aur aap ki duniya hun main

ghair to kahte rahenge KHair jaane dijiye

Thik kahte hain bura hun kya kahun achchha hun main

raat din jo aatish-e-furqat mein jalta hun 'kanwal'

KHub un ki bewafai ka maza leta hun main