dekhne walon ne kuchh dekha bhi hai

dekhne vāloñ ne kuchh dekhā bhī hai

chashm-e-nargis dīda-e-bīnā bhī hai

in dinoñ aalam hai kuchh dil kā ajab

hashr bhī barpā hai sannāTā bhī hai

ik hujūm-e-dostāñ hai aur maiñ

dahr meñ mujh sā koī tanhā bhī hai

har taraf ta.amīr dīvāreñ huiiñ

sochtā ye huuñ kahīñ saayā bhī hai

kyuuñ na ho fikr-o-ḳhayāl-e-tishnagāñ

band mujh meñ pyaas kā dariyā bhī hai

bhuul jā.egā zamāna kyā hameñ

ham ne jo dekhā hai vo likkhā bhī hai

vo bhī 'nashtar' ho ga.e haiñ ajnabī

vo ki jin se dard kā rishta bhī hai

dekhne walon ne kuchh dekha bhi hai

chashm-e-nargis dida-e-bina bhi hai

in dinon aalam hai kuchh dil ka ajab

hashr bhi barpa hai sannaTa bhi hai

ek hujum-e-dostan hai aur main

dahr mein mujh sa koi tanha bhi hai

har taraf tamir diwaren huin

sochta ye hun kahin saya bhi hai

kyun na ho fikr-o-KHayal-e-tishnagan

band mujh mein pyas ka dariya bhi hai

bhul jaega zamana kya hamein

hum ne jo dekha hai wo likkha bhi hai

wo bhi 'nashtar' ho gae hain ajnabi

wo ki jin se dard ka rishta bhi hai