dekhne walon se bekar hai parda un ka

dekhne vāloñ se bekār hai pardā un kā

chār-sū ham ko nazar aatā hai jalva un kā

dekhnā kitnā buland aaj hai rutba un kā

hūreñ kāñdhe pe uThātī haiñ muhāfa un kā

aane jaane se ve kis ke liye ghabrāte haiñ

nahīñ dāḳhil hai kachahrī meñ muchalkā un kā

uñgliyāñ uThne lagīñ mujh pe fishānī jo milī

kaisā añgusht-numā kartā hai chhallā un kā

aur se bolne kī ham se qasam khilvā lī

bātoñ bātoñ meñ nayā chal gayā fiqrā un kā

dekheñ kis āshiq-e-jāñbāz ke sar jaatī hai

ab chaḌhā rahtā hai paa.e pe tapanchā un kā

naqd-e-jāñ māñgte hī un ke maiñ de dūñgā unheñ

har ghaḌī kā na sahūñgā ye taqāzā un kā

ab na kis tarah unheñ aañkh kī putlī samjhūñ

likh liyā hai varaq-e-chashm pe naqsha un kā

tan-e-pur-dāġh ko gulzār na samjhūñ kyūñkar

har ghaḌī dil meñ lagā rahtā hai khaTkā un kā

paañv bhī ghar se nikālā nahīñ ab tak lekin

har galī-kūche meñ hone lagā charchā un kā

aañkh uThā kar na kabhī dekhtā maiñ us ko magar

hūr-e-jannat pe mujhe hotā hai dhokā un kā

machhliyāñ kaan ke baale kī na taireñ kyūñkar

baaḌh par aaya hai ab husn kā dariyā un kā

khul ga.ī aaj mah-o-mehr kī qal.ī ham par

ek dīvāna hai aur ek hai shaidā un kā

jo ki mushtāq tumhāre qad-e-bālā ke haiñ

gaḌ gayā gulshan-e-firdaus meñ jhanDā un kā

ġhair-mumkin hai ki ho jaa.e yahāñ tasfiyya

faisla hashr ke din hogā hamārā un kā

baaḌh rakhvāte haiñ vo apnī sarohī pe abas

qatl ke vāste kaafī hai ishārā un kā

chuum letā maiñ agar dekhtā sān.e.a ke haath

nuur ke sāñche meñ Dhālā hai sarāpā un kā

lillāh al-hamd bar ā.eñgī murādeñ dil kī

aaj kī raat hai kuchh aur irāda un kā

hashr tak muñh na dikhā.eñ mah-o-ḳhurshīd apnā

dekh paa.eñ vo agar rū-e-dil-ārā un kā

chaak karte haiñ garebāñ jo ġham-e-sarvar meñ

hashr ke roz ḳhudā rakkhegā pardā un kā

vo bulāte haiñ agar ġhairoñ ko har dam 'vahbī'

le liyā jā.egā ik roz muchalkā un kā

dekhne walon se bekar hai parda un ka

chaar-su hum ko nazar aata hai jalwa un ka

dekhna kitna buland aaj hai rutba un ka

huren kandhe pe uThati hain muhafa un ka

aane jaane se we kis ke liye ghabraate hain

nahin daKHil hai kachahri mein muchalka un ka

ungliyan uThne lagin mujh pe fishani jo mili

kaisa angusht-numa karta hai chhalla un ka

aur se bolne ki hum se qasam khilwa li

baaton baaton mein naya chal gaya fiqra un ka

dekhen kis aashiq-e-jaanbaz ke sar jati hai

ab chaDha rahta hai pae pe tapancha un ka

naqd-e-jaan mangte hi un ke main de dunga unhen

har ghaDi ka na sahunga ye taqaza un ka

ab na kis tarah unhen aankh ki putli samjhun

likh liya hai waraq-e-chashm pe naqsha un ka

tan-e-pur-dagh ko gulzar na samjhun kyunkar

har ghaDi dil mein laga rahta hai khaTka un ka

panw bhi ghar se nikala nahin ab tak lekin

har gali-kuche mein hone laga charcha un ka

aankh uTha kar na kabhi dekhta main us ko magar

hur-e-jannat pe mujhe hota hai dhoka un ka

machhliyan kan ke baale ki na tairen kyunkar

baDh par aaya hai ab husn ka dariya un ka

khul gai aaj mah-o-mehr ki qali hum par

ek diwana hai aur ek hai shaida un ka

jo ki mushtaq tumhaare qad-e-baala ke hain

gaD gaya gulshan-e-firdaus mein jhanDa un ka

ghair-mumkin hai ki ho jae yahan tasfiyya

faisla hashr ke din hoga hamara un ka

baDh rakhwate hain wo apni sarohi pe abas

qatl ke waste kafi hai ishaara un ka

chum leta main agar dekhta sanea ke hath

nur ke sanche mein Dhaala hai sarapa un ka

lillah al-hamd bar aaengi muraden dil ki

aaj ki raat hai kuchh aur irada un ka

hashr tak munh na dikhaen mah-o-KHurshid apna

dekh paen wo agar ru-e-dil-ara un ka

chaak karte hain gareban jo gham-e-sarwar mein

hashr ke roz KHuda rakkhega parda un ka

wo bulate hain agar ghairon ko har dam 'wahbi'

le liya jaega ek roz muchalka un ka