dekhta bhi hai dushmanon ki tarah

dekhtā bhī hai dushmanoñ kī tarah

mehrbāñ bhī hai dostoñ kī tarah

dil mirā mahv-e-iztirāb hai kyoñ

zehn meñ kyā hai vasvasoñ kī tarah

muskurānā bhī 'aib hai mujh ko

qahqahe bhī haiñ uljhanoñ kī tarah

shab-e-furqat meñ mujh ko aatī hai

koī āvāz dhaḌkanoñ kī tarah

ye jo rim-jhim ghaTā hai sāvan kī

ik jhaḌī sī hai āñsuoñ kī tarah

rāt-bhar ḳhvāb mere kamre meñ

uḌte phirte haiñ jugnuoñ kī tarah

dāman-e-dil pe phaile haiñ 'shāhid'

ḳhushnumā rang titliyoñ kī tarah

dekhta bhi hai dushmanon ki tarah

mehrban bhi hai doston ki tarah

dil mera mahw-e-iztirab hai kyon

zehn mein kya hai waswason ki tarah

muskurana bhi 'aib hai mujh ko

qahqahe bhi hain uljhanon ki tarah

shab-e-furqat mein mujh ko aati hai

koi aawaz dhaDkanon ki tarah

ye jo rim-jhim ghaTa hai sawan ki

ek jhaDi si hai aansuon ki tarah

raat-bhar KHwab mere kamre mein

uDte phirte hain jugnuon ki tarah

daman-e-dil pe phaile hain 'shahid'

KHushnuma rang titliyon ki tarah