der tak aaj tere bare mein socha humne

der tak aaj tire baare meñ sochā ham ne

mundamil zaḳhm ko phir aaj kuredā ham ne

zindagī tū hai jo nārāz to haq hai terā

zinda rahne kā nahīñ sīkhā salīqa ham ne

ġharche bāzār kī ik ek dukāñ tak pahuñche

der tak ghūme magar kuchh na ḳharīdā ham ne

baiThe baiThe hī bahut duur talak jā pahuñche

baḌī āsānī se tai kar liyā rasta ham ne

TuuT jaate haiñ to phir TuuT hī jaate haiñ ham

jaane kyoñ ḳhud ko banā rakkhā hai shīsha ham ne

ik ġhazal aisī bhī kah rakkhī hai ham ne jis kā

ek bhī she'r kisī ko na sunāyā ham ne

Tiis uThtī hai to ḳhushbū kā gumāñ hotā hai

dil pe khāyā hai koī zaḳhm anokhā ham ne

tum nahīñ aa.e to phir sālgirah par apnī

ek ik shaḳhs kā lauTā diyā tohfa ham ne

vo nahīñ aa ke bhī aa baiThā hai pahlū meñ 'kamāl'

us ko āvāz na de kar bhī pukārā ham ne

der tak aaj tere bare mein socha hum ne

mundamil zaKHm ko phir aaj kureda hum ne

zindagi tu hai jo naraaz to haq hai tera

zinda rahne ka nahin sikha saliqa hum ne

gharche bazar ki ek ek dukan tak pahunche

der tak ghume magar kuchh na KHarida hum ne

baiThe baiThe hi bahut dur talak ja pahunche

baDi aasani se tai kar liya rasta hum ne

TuT jate hain to phir TuT hi jate hain hum

jaane kyon KHud ko bana rakkha hai shisha hum ne

ek ghazal aisi bhi kah rakkhi hai hum ne jis ka

ek bhi she'r kisi ko na sunaya hum ne

Tis uThti hai to KHushbu ka guman hota hai

dil pe khaya hai koi zaKHm anokha hum ne

tum nahin aae to phir salgirah par apni

ek ek shaKHs ka lauTa diya tohfa hum ne

wo nahin aa ke bhi aa baiTha hai pahlu mein 'kamal'

us ko aawaz na de kar bhi pukara hum ne