deta hai koi mujhko sada bahar aa

detā hai koī mujh ko sadā bāhar aa

ai mere badan meñ qaid havā bāhar aa

kab se hilā rahā huuñ zanjīr-e-dar-e-shab

tū hī le kar hāthoñ meñ diyā bāhar aa

kyuuñ banā huā hai hadaf zamāne kā

guzrā hai kyā tujh pe sāneha bāhar aa

taaq meñ kab se sajā rahā huuñ yād-e-charāġh

tū hī to hai ik merā āshnā bāhar aa

kab tak tū āsmāñ meñ chhup ke baiThegā

maañg rahā huuñ maiñ kab se du'ā bāhar aa

tujhe yaqīn agar hai apne hone kā

aa ai merī jān-e-be-navā bāhar aa

sañg-e-malāmat se bach jaa.e to jāneñ

'tūr' is shahr-e-munāfiq meñ zarā bāhar aa

deta hai koi mujh ko sada bahar aa

ai mere badan mein qaid hawa bahar aa

kab se hila raha hun zanjir-e-dar-e-shab

tu hi le kar hathon mein diya bahar aa

kyun bana hua hai hadaf zamane ka

guzra hai kya tujh pe saneha bahar aa

taq mein kab se saja raha hun yaad-e-charagh

tu hi to hai ek mera aashna bahar aa

kab tak tu aasman mein chhup ke baiThega

mang raha hun main kab se du'a bahar aa

tujhe yaqin agar hai apne hone ka

aa ai meri jaan-e-be-nawa bahar aa

sang-e-malamat se bach jae to jaanen

'tur' is shahr-e-munafiq mein zara bahar aa