دیتا ہے کوئی مجھ کو صدا باہر آ

دیتا ہے کوئی مجھ کو صدا باہر آ

اے میرے بدن میں قید ہوا باہر آ

کب سے ہلا رہا ہوں زنجیر در شب

تو ہی لے کر ہاتھوں میں دیا باہر آ

کیوں بنا ہوا ہے ہدف زمانے کا

گزرا ہے کیا تجھ پہ سانحہ باہر آ

طاق میں کب سے سجا رہا ہوں یاد چراغ

تو ہی تو ہے اک میرا آشنا باہر آ

کب تک تو آسماں میں چھپ کے بیٹھے گا

مانگ رہا ہوں میں کب سے دعا باہر آ

تجھے یقین اگر ہے اپنے ہونے کا

آ اے میری جان بے نوا باہر آ

سنگ ملامت سے بچ جائے تو جانیں

طورؔ اس شہر منافق میں ذرا باہر آ