deta nahin dil le ke wo maghrur kisi ka

detā nahīñ dil le ke vo maġhrūr kisī kā

sach hai ki na zālim se chale zor kisī kā

ārā.ish-e-husn ā.īna-ruḳh karte ho har dam

lenā hai magar dam tumheñ manzūr kisī kā

be-vajah nahīñ tābish-e-arbāb-e-safā ko

hai jalva-gar is ā.īne meñ nuur kisī kā

aatā hai nazar yaañ jo har aivān-e-shikasta

yak vaqt meñ thā ḳhāna-e-ma.amūr kisī kā

vo shoḳh parī rashk-ba-kaf teġh-e-siyah-mast

aatā hai kiye shīsha-e-dil chuur kisī kā

rokūñ maiñ ab us ko sar-e-rāhe kabhī aa ke

itnā to maiñ rakhkhūñ nahīñ maqdūr kisī kā

'bedār' mujhe yaad usī kī hai shab-o-roz

ne baat kisī kī hai ne mazkūr kisī kā

deta nahin dil le ke wo maghrur kisi ka

sach hai ki na zalim se chale zor kisi ka

aaraish-e-husn aaina-ruKH karte ho har dam

lena hai magar dam tumhein manzur kisi ka

be-wajah nahin tabish-e-arbab-e-safa ko

hai jalwa-gar is aaine mein nur kisi ka

aata hai nazar yan jo har aiwan-e-shikasta

yak waqt mein tha KHana-e-mamur kisi ka

wo shoKH pari rashk-ba-kaf tegh-e-siyah-mast

aata hai kiye shisha-e-dil chur kisi ka

rokun main ab us ko sar-e-rahe kabhi aa ke

itna to main rakhkhun nahin maqdur kisi ka

'bedar' mujhe yaad usi ki hai shab-o-roz

ne baat kisi ki hai ne mazkur kisi ka