dete hain dua dard ke mare use kahna

dete haiñ duā dard ke maare use kahnā

palkoñ se zarā bojh utāre use kahnā

ab koī bhī rut bhātī nahīñ dīda-e-dil ko

lagte haiñ sabhī zahr nazāre use kahnā

hotī hī nahīñ ham se mohabbat kī tijārat

is daur meñ haiñ sirf ḳhasāre use kahnā

mumkin hai mire lauT ke aane kā tasavvur

ik baar mujhe dil se pukāre use kahnā

maiñ rañg sajāvaT ke sabhī bhuul chukī huuñ

ab aa ke mirā ruup nikhāre use kahnā

insān bhī ab sāñpoñ kī fitrat meñ Dhale haiñ

har shaḳhs ajab ruup hai dhāre use kahnā

bikhre hue apne hī ḳhad-o-ḳhāl meñ gum huuñ

ā.īne meñ phir aks sañvāre use kahnā

kahnā ki mirī maañg meñ sūraj to nahīñ hai

pahlū meñ sajā de sabhī taare use kahnā

dete hain dua dard ke mare use kahna

palkon se zara bojh utare use kahna

ab koi bhi rut bhati nahin dida-e-dil ko

lagte hain sabhi zahr nazare use kahna

hoti hi nahin hum se mohabbat ki tijarat

is daur mein hain sirf KHasare use kahna

mumkin hai mere lauT ke aane ka tasawwur

ek bar mujhe dil se pukare use kahna

main rang sajawaT ke sabhi bhul chuki hun

ab aa ke mera rup nikhaare use kahna

insan bhi ab sanpon ki fitrat mein Dhale hain

har shaKHs ajab rup hai dhaare use kahna

bikhre hue apne hi KHad-o-KHal mein gum hun

aaine mein phir aks sanware use kahna

kahna ki meri mang mein suraj to nahin hai

pahlu mein saja de sabhi tare use kahna