دھڑکن ہے مسئل قافیہ تو زندگی ردیف

دھڑکن ہے مسئل قافیہ تو زندگی ردیف

بچھڑے نہ زندگی سے کبھی دو گھڑی ردیف

کچھ اس طرح سے جوڑے سے جڑ جائے زندگی

جیسے کہ اپنا قافیہ خود ڈھونڈھتی ردیف

یوں قافیہ ردیف کا صدیوں کا ساتھ ہے

پہلی دفعہ ردیف بنائی گئی ردیف

میری غزل میں یہ کسی محبوب کی طرح

خاموش ہے کہیں تو کہیں بولتی ردیف

جب دھڑکنوں کے قافیے کم پڑ گئے تو پھر

یہ مصرع حیات سے چلتی بنی ردیف

لفظوں میں ظرف مصرع و معانی کے باد بھی

ہر ایک قافیے کا بھرم کھولتی ردیف

زینت غزل کی ہے تو ہنسی قافیوں سے ہے

دم دار قافیے ہوں تو پھر بولتی ردیف

جیسے کسی دو شالے کو دوشیزہ اوڑھ لے

راشدؔ کے ہر خیال کو یوں اوڑھتی ردیف